{[['
']]}
']]}
Fight Back to School (1991)
စတီဖင်ချောင်ရဲ့ ဒီဇာတ်ကားကတော့ IMDb Rating (7.2) ထိရရှိထားတဲ့ Action/Comedy အမျိုးအစားဇာတ်ကားဖြစ်ပါတယ်။စတီဖင်ချောင်က ဒီဇာတ်လမ်းတွေထဲမှာ ရဲစုံထောက်။
Fight Back to School ဇာတ်လမ်းတွေက အမှုအထူးအဆန်းတွေကို စုံစမ်း ဖြေရှင်းရတာ။
ဒီလိုဖြေရှင်းတဲ့နေရာမယ် စတီဖင်ချောင်နဲ့သူ့တွဲဖက်နဲ့ ရဲညီနောင်တွေ တက်ညီလက်ညီ တလွဲတွေလုပ်ပုံကို
သွက်သွက်လက်လက်တင်ဆက်ထားတာပါ။ဒီပထမဇာတ်ကားထဲမှာတော့ အမှုက ထူးဆန်းပါတယ်…ရဲမှူးကြီးရဲ့ ပစ္စတိုပျောက်သွားတာပါ (😛)
သံသယရှိတဲ့နေရာက စာသင်ကျောင်းထဲဖြစ်နေတော့ နာမည်ကျော်စုံထောက် စတီဖင်ချောင်ကို သွားစုံစမ်းခိုင်းပါတယ်။
စာမသင်ချင်လို့ ရဲထဲဝင်လာတဲ့ စတီဖင်ချောင်တစ်ယောက် အထက်တန်းကျောင်းထဲ စာသွားသင်ရင်း ဘယ်လိုတွေစုံစမ်းမယ်ဆိုတာ…။
Fight Back to School 2 (1992)
စတီဖင်ချောင်ရဲ့ ဒီဇာတ်ကားကတော့ IMDb Rating (6.7) ထိရရှိထားတဲ့ Action/Comedy အမျိုးအစားဇာတ်ကားဖြစ်ပါတယ်။ဒီကားကတော့ ရှေ့ကဇာတ်ကား Fight Back to School (1) နဲ့ချိတ်ဆက်ထားပါတယ်။စတီဖင်ချောင်နဲ့ဦးလေးတက်တို့နှစ်ယောက် ပစ္စတိုပျောက်ဆုံးမှုကိုဖြေရှင်းပြီးတော့အခုဒုတိယကားမှာ ဦးလေးတက်ရဲ့ကောင်းမှုနဲ့ စတီဖင်ချောင်တစ်ယောက် ရာထူးကျသွားပါတယ်..
ရာထူးချခံရပြီးနောက် အဆင်မပြေမှုတွေနဲ့ အလုပ်ထွက်ရသည့်အထိ ဖြစ်ခဲ့ပါတယ်။ ဒါပေမယ်လို့..ဗြိတိန်အကြမ်းဖက်သမားများက ဟောင်ကောင်ရှိကျောင်းများကို အကြမ်းဖက်ဖောက်ခွဲမယ်လို့ သိရတဲ့အခါ…စတီဖင်ချောင်တစ်ယောက် အရပ်သားအနေနဲ့ အကြမ်းဖက်မှုတွေကို ဘယ်လိုတားဆီးဖော်ထုတ်မယ်ဆိုတာ…။
Fight Back to School 3 (1993)
စတီဖင်ချောင်ရဲ့ ဒီဇာတ်ကားကတော့ IMDb Rating (6.2) ထိရရှိထားတဲ့ Action/Comedy အမျိုးအစားဇာတ်ကားဖြစ်ပါတယ်။ဒီဇာတ်ကားက Fight Back to School (1) နဲ့ (2) ဇာတ်ကားတို့ရဲ့အဆက်ဖြစ်ပါတယ်။တတိယကားမှာတော့ စတီဖင်ချောင်တစ်ယောက် ရာထူးပြန်ရပြီးနောက်
လျို့ဝှက်ထောက်လှမ်းရေးအလုပ်ကို ပြန်မလုပ်တော့ဘူးလို့ဆုံးဖြတ်လိုက်ပါတယ်။ဒါပေမယ့် အလွဲတို့ထုံးစံအတိုင်း
လူသတ်မှုတစ်ခုထဲက အသတ်ခံရသူဟာ စတီဖင်ချောင်နဲ့ ကံဆိုးစွာရုပ်ချင်းတူနေခဲ့ပါတယ်။
ဒီမှာပဲ ရဲဌာကနေ သေဆုံးသူနေရာကနေ ဟန်ဆောင်ပြီး လူသတ်သမားကိုဖော်ထုတ်ပေးဖို့ စတီတင်ချောင်ကို စေခိုင်းလိုက်ပါတော့တယ်။
အသတ်ခံရသူနေရာကနေ ဟန်ဆောင်ပြီး
ရှုပ်ထွေးလှတဲ့ လူသတ်မှုကိုဖော်ထုတ်ရင်း စတီဖင်ချောင်တစ်ယောက် ဘာတွေနဲ့ကြုံတွေ့ရမလဲဆိုတာ…။
#ref-menu
